នំហុំសាច់ជ្រូកពិសេសរបស់ដាណាំង

ឈ្មោះនៃម្ហូបនេះរួមបញ្ចូលទាំងគ្រឿងផ្សំ និងរបៀបធ្វើរបស់វាផងដែរ។ Banh trang គឺជាបន្ទះក្រដាសអង្ករ thit heo គឺជាសាច់ជ្រូកបីជាន់ ហើយ cuon គឺជាការមូលគ្រឿងផ្សំទាំងអស់បញ្ចូលគ្នា។

សាច់ជ្រូកនៅក្នុង banh trang cuon thit heo ត្រូវ​បានជ្រើសរើសយ៉ាងសម្រិតសម្រាំងដើម្បីឱ្យមានតុល្យភាពរវាងសាច់ និងខ្លាញ់។ វាត្រូវបានប្រឡាក់គ្រឿងស្រាលៗ ហើយស្ងោររហូតដល់ផុយ រួចហាន់ជាបន្ទះស្តើងៗ រៀបដាក់ចាន និងដាក់ជូនអមជាមួយបន្លែ។ ខុសពីសាច់ជ្រូក បន្លែនៅក្នុង banh trang cuon thit heo ត្រូវបានញ៉ាំឆៅ។ មុខបន្លែស្រស់ៗអាចមានការប្រែប្រួល ប៉ុន្តែជាទូទៅរួមមានការបូកផ្សំនៃស្លឹកសាឡាត់ ត្រសក់ហាន់ជាបន្ទះ ស្លឹកប្រឡាក់ (perilla) ស្លឹកជីរនាងវង (thai basil) ត្រយូងចេក ជីរអង្កាម និងជីរវ៉ាន់ស៊ុយ។ ជាចុងក្រោយ ចានមីម្សៅអង្ករ ត្រូវបានលើកជូនអមជាមួយសាច់ជ្រូក និងបន្លែ។ អ្វីដែលបន្ថែមចុងក្រោយគេបង្អស់សម្រាប់ម្ហូបនេះ គឺទឹកជ្រលក់ ដែលខ្លួនវាផ្ទាល់គឺជាទ្រព្យសម្បត្តិដ៏មានតម្លៃប្រចាំតំបន់។

ជាម្ហូបពិសេសប្រចាំតំបន់ក្វាងណាម ម៉ាំណែម (mam nem) គឺជាប្រហុកត្រីផ្អាប់ដែលប្រើជាទឹកជ្រលក់ នៅពេលដែលទឹកត្រីធម្មតា (nuoc mam) មិនអាចជំនួសបាន។ ចាន banh trang cuon thit heo គឺជាឱកាសមួយក្នុងចំណោមឱកាសទាំងនោះ។ ធ្វើឡើងពីត្រីឆ្មារផ្អាប់ ស្ករ មទេស ខ្ទឹមស ស្លឹកគ្រៃ ស្ករ និងម្នាស់កិន ម៉ាំណែម គឺជាគ្រឿងអមដែលមិនអាចខ្វះបានសម្រាប់ banh trang cuon thit heo។ ខណៈពេលដែលទឹកត្រីធម្មតា (nuoc mam) ត្រូវបានស្រង់យកតែទឹកពណ៌ក្រមៅនិងប្រៃ ម៉ាំណែមប្រើប្រាស់ត្រីផ្អាប់ទាំងមូល ហើយមានលក្ខណៈខាប់ជាងទឹកជ្រលក់រាវ។ ប្រសិនបើអ្នកទើបតែសាកល្បងម្ហូបវៀតណាមជាលើកដំបូង រសជាតិប្រៃ ក្លិនប្រហើរឆួល និងក្លិនត្រីនៃ mắm nêm នឹងក្លាយជាបទពិសោធន៍ដ៏អស្ចារ្យមួយ ដោយសាររសជាតិរបស់វាគឺប្លែកមិនដូចអ្វីផ្សេងទាំងអស់នៅលើលោកនេះ!

ដំបូង ត្រូវលាតបន្ទះក្រដាសអង្ករមួយសន្លឹកឱ្យរស្មើរ។ អ្នកអាចប្រើចានដើម្បីភាពងាយស្រួល ប៉ុន្តែជាមួយនឹងការហាត់ និងការអត់ធ្មត់បន្តិចបន្តួច វាអាចកាន់តែងាយស្រួលប្រសិនបើអ្នកកោងបាតដៃថ្នមៗដើម្បីទ្រក្រដាសអង្ករឱ្យចេញជារាងចានគោម ឬរាងតាកូ (taco)។ មុនពេលបន្ថែមសាច់ ឬបន្លែ ត្រូវបកសន្លឹកមីម្សៅអង្ករមួយស្រទាប់ (ប្រហាក់ប្រហែលនឹងសរសៃហ្វឺដែលមិនទាន់ហាន់) ហើយដាក់វានៅលើក្រដាសអង្ករ។ ស្រទាប់ទាំងពីរនេះគួរតែស្អិតជាប់គ្នា។ បន្ទាប់មក ដាក់សាច់ជ្រូក (thit heo) និងបន្លែស្រស់ៗគ្រប់មុខ (rau an song) ពីលើ banh trang និងស្រទាប់មីម្សៅអង្ករ រួចមូលវាចូលគ្នា! ជ្រលក់ចុងម្ខាងនៃនំហុំរបស់អ្នកចូលទៅក្នុង mắm nêm ហើយរីករាយជាមួយរសជាតិ និងកម្រិតភាពទន់ស្រួយដ៏សម្បូរបែបដែលរួមផ្សំគ្នាជាចំណីអាហារដ៏មានតុល្យភាពឥតខ្ចោះ។

សាកល្បងញ៉ាំ banh trang cuon thit heo នៅភោជនីយដ្ឋានក្នុងស្រុកណាមួយក្នុងចំណោមភោជនីយដ្ឋានទាំងនេះ។ នៅពេលដែលអ្នកចូលចិត្តវាហើយ អ្នកអាចមើលតាមបញ្ជី ហើយសាកល្បងទាំងអស់ដើម្បីប្រៀបធៀបរសជាតិប្លែកៗពីគ្នា។

Quan Ba Mua និង Quan Dai Loc គឺជាភោជនីយដ្ឋានល្បីៗបំផុតពីរដែលបម្រើមុខម្ហូបពិសេសនេះនៅក្នុងក្រុងដាណាំង។ Ba Mua ស្ថិតនៅចំកណ្តាលខណ្ឌ ហាយចាវ (Hai Chau) ដែលជាបេះដូងនៃក្រុងដាណាំង រីឯ Đai Loc វិញ ស្ថិតនៅចម្ងាយត្រឹមតែប៉ុន្មាននាទីប៉ុណ្ណោះក្នុងខណ្ឌ ថាញ់ខេ (Thanh Khe)។ Dac San Tran គឺជាជម្រើសដ៏ងាយស្រួលមួយទៀតជំនួសឲ្យជម្រើសទាំងពីរខាងលើ ដោយមានសាខាចំនួន ៤ កន្លែងនៅទូទាំង Hai Chau និង Thanh Khe។

ចង់បានគំនិតធ្វើដំណើរនៅវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានអត្ថបទល្អៗបំផុតផ្ញើជូនត្រង់ទៅប្រអប់សំបុត្ររបស់អ្នក។