៧ វិធីដើម្បីរីករាយជាមួយចិញ្ចើមផ្លូវនៅវៀតណាម

ជនជាតិវៀតណាមចូលចិត្តចាប់ផ្តើមថ្ងៃថ្មីដោយការហាត់ប្រាណជុំគ្នា។ ដើម្បីក្លាយជាផ្នែកមួយនៃទំនៀមទម្លាប់ក្នុងស្រុកនេះ ចូរក្រោកពីព្រលឹម ហើយតម្រង់ទិសទៅកាន់បឹង ទន្លេ ឬសួនច្បារដែលនៅជិតបំផុតនៅម៉ោង ៦ ព្រឹក។ នៅពេលអរុណរះ ជនជាតិវៀតណាមរាប់រយនាក់គ្រប់វ័យ បានធ្វើចលនាតាមទម្លាប់ដែលពួកគេចូលចិត្តក្នុងពន្លឺថ្ងៃព្រឹកព្រលឹម។ អ្នកនឹងឃើញការលេងសីប្រកបដោយថាមពល លំហាត់ប្រាណកំដៅសាច់ដុំប្លែកៗ និងក្រុមដែលកំពុងហាត់អាំងកុង ស៊ូមបា និងសូម្បីតែយោគៈសើច។ 

បណ្ដាំ៖ នៅហាណូយ ចូរឆ្ពោះទៅកាន់បឹងហ្វានគៀម ឬបឹងទ្រុកបាច់ ឬឆ្នេរនិងស្ពាននៃទន្លេសៃហ្គនក្នុងទីក្រុងហូជីមិញ ដើម្បីទស្សនាក្រុងនានានៃប្រទេសវៀតណាមភ្ញាក់ពីដេក។

ប្រទេសវៀតណាមគឺជាប្រទេសផលិតកាហ្វេធំជាងគេទីពីរនៅលើពិភពលោក ហើយជនជាតិវៀតណាមចំណាយពេលច្រើនម៉ោងជុំគ្នា ក្រែបយករសជាតិភេសជ្ជៈនេះនៅលើចិញ្ចើមផ្លូវ។ នៅគ្រប់ទីក្រុង អ្នកនឹងឃើញអ្នកស្រុកជួបជុំគ្នានិយាយកម្សាន្តជាមួយមិត្តភក្តិនៅតាមចិញ្ចើមផ្លូវ ខណៈកាហ្វេស្រក់យឺតៗពីតម្រងកំប៉ុងចូលក្នុងពែង។ មិនថាញ៉ាំកាហ្វេខ្មៅ ឬថែមទឹកដោះគោខាប់ ក្តៅ ឬជាមួយទឹកកក ភេសជ្ជៈដែលញៀនមួយនេះ គឺជាលេសដ៏ល្អឥតខ្ចោះក្នុងការអង្គុយលំហែកាយ និងមើលមនុស្សម្នាដើរកាត់តាម។

បណ្ដាំ៖ ប្រសិនបើអ្នកមិនអាចញ៉ាំកាហ្វេវៀតណាមដ៏ខ្លាំងក្លាបានទេ ចូរស្នើសុំ nước ép (ទឹកផ្លែឈើស្រស់) ត្រជាក់ៗ nước mía (ទឹកអំពៅ) ឬ dừa tươi (ដូងស្រស់) ជំនួសវិញ។

នៅពេលអង្គុយលើចិញ្ចើមផ្លូវក្នុងប្រទេសវៀតណាម អ្នកអាចនឹងត្រូវចូលជិតដោយជាងជួសជុលស្បែកជើងចល័ត។ ជាទូទៅ ជាងជួសជុលស្បែកជើងទាំងនេះកាន់កន្ត្រកឧបករណ៍ ហើយនឹងចង្អុលទៅជើងរបស់អ្នកដើម្បីសួរថា តើអ្នកចង់ខាត់ស្បែកជើងដែរឬទេ។ សម្រាប់តម្លៃបន្តិចបន្តួចត្រឹមមួយដុល្លារ ពួកគេនឹងធ្វើឲ្យស្បែកជើងរបស់អ្នកប្រែជាស្អាតដូចដើមវិញក្នុងរយៈពេលប៉ុន្មាននាទី។ តាមវិធីជាច្រើន ការអង្គុយរង់ចាំការជួសជុលស្បែកជើងរបស់អ្នក ខណៈពេលកំពុងពាក់ស្បែកជើងជ័រមួយគូ គឺជារូបភាពដ៏បុរាណនៃជីវិតនៅទីក្រុងនៃប្រទេសវៀតណាម។

ប្រទេសវៀតណាមអាចអះអាងដោយមោទនភាពថាមានអាហារតាមដងផ្លូវល្អបំផុតមួយចំនួននៅលើពិភពលោក។ ចាប់ពីនំដូងផ្អែមស្អិត រហូតដល់មី និងហ្វើជាច្រើនចានដ៏អស្ចារ្យ អ្នកនឹងរកឃើញអាហារសម្រន់ដ៏គួរឱ្យទាក់ទាញរាប់មិនអស់ដែលត្រូវបានលក់នៅលើដងផ្លូវ។ កម្មង់ bánh mì ហើយទស្សនាការធ្វើវានៅតាមចិញ្ចើមផ្លូវ ឬស្វែងរកផ្សែងហុយចេញពីឆ្នាំងស៊ុបកំពុងពុះ ដើម្បីប្រាប់អ្នកពីកន្លែងដែលត្រូវទាញកៅអីអង្គុយ។ តូបកាន់តែរវល់ នោះវាកាន់តែមានតម្លៃក្នុងការរង់ចាំ។

បណ្ដាំ៖ អាជីវករតាមចិញ្ចើមផ្លូវជាច្រើនបើកលក់តាមពេលវេលាកំណត់ ត្រឹមតែប៉ុន្មានម៉ោងប៉ុណ្ណោះក្នុងមួយថ្ងៃ។ អាហារពេលព្រឹកអាចចាប់ផ្តើមពីម៉ោង ៦ ព្រឹក ដល់ ៩ ព្រឹក ហើយអាហារថ្ងៃត្រង់ចាប់ផ្តើមនៅម៉ោងប្រហែល ១១ ព្រឹក និងបញ្ចប់នៅម៉ោង ១ រសៀល។ 

នៅចុងបញ្ចប់នៃថ្ងៃ ជនជាតិវៀតណាមចូលចិត្តសម្រាកលំហែកាយជាមួយស្រាបៀរត្រជាក់ៗ និងសាច់អាំងឈ្ងុយឆ្ងាញ់។ បន្ទាប់ពីងងឹត ចិញ្ចើមផ្លូវក្នុងទីក្រុងត្រូវបានកកកុញដោយមិត្តភក្តិ អាជីវករ និងអ្នកក្រុងសម័យថ្មី ជួបជុំគ្នានៅជុំវិញទីតាំង bia hơi។ ជាមួយនឹងការហូរចូលនៃភេសជ្ជៈ និងអាហារសម្រន់ដ៏មានឱជារសមិនចេះដាច់ មានពេលច្រើនសម្រាប់ជជែកគ្នាលេង ពិភាក្សា និងលើកកែវជូនពរគ្នា។ នាំយកមិត្តភក្តិធ្វើដំណើរមួយចំនួន កម្មង់ភេសជ្ជៈមួយជុំ ហើយកុំភ្លេចហាត់ពាក្យជល់កែវជាភាសាវៀតណាម៖ ‘Một, hai, ba, dô!' 

គន្លឹះ៖ នៅហាណូយ សូមចូលទៅកាន់ផ្លូវ Ly Van Phuc ដើម្បីភ្លក់មាន់អាំងយ៉ាងឆ្ងាញ់ និងនំប៉័ងទឹកឃ្មុំ។ សម្រាប់អ្នកចូលចិត្តគ្រឿងសមុទ្រ ការឈប់នៅផ្លូវខ្យង (Nguyen Thuong Hien) ក្នុងទីក្រុងហូជីមិញ គឺជាអ្វីដែលមិនអាចរំលងបានឡើយ។

ចង់បានគំនិតធ្វើដំណើរនៅវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានរឿងរ៉ាវល្អៗបំផុតរបស់យើងនៅក្នុងប្រអប់សាររបស់អ្នក។