បារលើដំបូលដ៏អស្ចារ្យ ៧ កន្លែងនៅវៀតណាម

នរណាទៅដឹងថា ញ៉ាត្រាង មានបារដ៏អស្ចារ្យបែបនេះ? ប៉ុន្តែវាពិតជាមានមែន នៅលើជាន់ទី ៤៣ នៃសណ្ឋាគារ Premier Havana Hotel។ Skylight ដែលបង្កើតម៉ាកសញ្ញាខ្លួនឯងជា "ក្លឹបឆ្នេរលើដំបូលអគារ" ដំបូងគេរបស់វៀតណាម គឺជាកន្លែងដែលត្រូវតែទៅកម្សាន្តនៅញ៉ាត្រាង។ ស្រូបយកទិដ្ឋភាព ៣៦០ ឌឺក្រេនៃឆ្នេរសមុទ្រ និងទីក្រុងពី Sky Deck ឬអង្គុយនៅភោជនីយដ្ឋាន Chef’s Club Restaurant។ Skylight បង្កើនកម្រិតកម្សាន្តទ្វេដង ជាមួយនឹង DJ កំពូលៗ ការបាញ់សាំប៉ាញ និងការភ្ញាក់ផ្អើលជាច្រើនទៀត។

The Summit ទទួលបានពិន្ទុខ្ពស់សម្រាប់ទិដ្ឋភាពដ៏ទាក់ទាញនៃបឹង Truc Bach បឹង West Lake និងផ្លូវ Thanh Nien ដែលពោរពេញដោយដើមឈើ។ ជិះជណ្ដើរយន្តទៅកាន់ផ្នែកខាងលើបង្អស់នៃសណ្ឋាគារ Pan Pacific Hotel ហើយអង្គុយកៅអីផ្ដៅនៅលានខាងក្រៅ ឬអង្គុយសម្រាកលើកៅអីរាងទ្រូងសត្វនៅខាងក្នុង។ ទោះបីជាមិនឆើតឆាយជ្រុល ប៉ុន្តែ Summit ផ្ដល់នូវបទពិសោធន៍ដ៏ឥតខ្ចោះ ជាមួយនឹងទិដ្ឋភាពដ៏ស្រស់ស្អាត សេវាកម្មកម្រិតផ្កាយប្រាំ និងការរចនាដ៏ទាក់ទាញ។

ស្ថិតនៅជាន់ទី ១០ នៃសណ្ឋាគារ Caravelle Hotel, Saigon Saigon Bar គឺជាជម្រើសដ៏ល្អប្រសិនបើអ្នកជាមនុស្សដែលចូលចិត្តក្រេបកុកTail អមដោយបរិយាកាសប្រវត្តិសាស្ត្រ។ ទោះបីជាការរចនាខាងក្នុងរបស់បារនេះបានផ្លាស់ប្ដូរបន្តិចបន្តួចចាប់តាំងពីបើកដំបូងក្នុងឆ្នាំ ១៩៥៩ ប៉ុន្តែទិដ្ឋភាពកណ្ដាលទីក្រុងហូជីមិញបានផ្លាស់ប្ដូរយ៉ាងខ្លាំងចាប់តាំងពីសម័យកាលដែលអ្នកសារព័ត៌មានធ្លាប់មកជួបជុំគ្នានៅបារដើម្បីផ្លាស់ប្ដូរព័ត៌មាន និងនិយាយដើមគ្នា។ តុឈើនៅជុំវិញបរិវេណមើលឃើញរោងមហោស្រព Opera House និងរង្វង់មូល Lam Sơn ដ៏ល្បីល្បាញ។ ភាពទំនើបត្រូវបានបន្ថែមតាមរយៈភេសជ្ជៈច្នៃប្រឌិតនៅលើម៉ឺនុយ។ សម្រាកកម្សាន្តជាមួយ Miss Saigon ដែលជាភេសជ្ជៈពេញនិយមបំផុតមួយរបស់បារ ហើយទស្សនាទីក្រុងដែលប្រែប្រួលទៅជាទិដ្ឋភាពភ្លើងចែងចាំងនៅខាងក្រោម។ Happy Hour មានជារៀងរាល់ថ្ងៃចាប់ពីម៉ោង ៤ ល្ងាច ដល់ម៉ោង ៧ យប់ ជាមួយនឹងការបញ្ចុះតម្លៃ ៥០% លើគ្រប់ភេសជ្ជៈប្រកបដោយគុណភាពខ្ពស់ទាំងអស់។

Top of Ha Noi ដែលជាបារ និងភោជនីយដ្ឋានដ៏ធំទូលាយនៅលើជាន់ទី ៦៥ នៃអគារ Lotte Tower ឈរជើងខ្ពស់ផុតគូប្រកួតប្រជែងភាគច្រើន ជាមួយនឹងទិដ្ឋភាពដ៏វិលមុខនៃបឹង West Lake និងខណ្ឌ Ba Dinh។ កៅអីត្រូវបានរៀបចំនៅជុំវិញបរិវេណបារដើម្បីមើលទិដ្ឋភាពផ្លូវ និងទេសភាពខាងក្រោមបានកាន់តែច្បាស់។ ភោជនីយដ្ឋានផ្ដល់ជូនម៉ឺនុយបែប brasserie ពេញលេញ និងមានភួយសម្រាប់រាត្រីដ៏ត្រជាក់។

ជិះជណ្តើរយន្តឡើងទៅជាន់ទី ១៩ ទៅកាន់ INK 360 ដែលជាបារខ្ពស់ជាងគេបំផុតនៅលើកោះភូកុក ដើម្បីទស្សនាថ្ងៃលិចយ៉ាងស្រស់ស្អាតអស្ចារ្យ និងក្រេបរសជាតិកុកតែលដែលគួរឱ្យចងចាំមិនចាញ់គ្នា។ អ្នករចនា Ashley Sutton គឺជាអ្នកបង្កើតការរចនាខាងក្នុងដ៏ទាក់ទាញស័ក្តិសមសម្រាប់ការថតរូបចុះ Instagram ដែលមានរូបមឹកយក្សព្យួរធ្លាក់ចុះពីពិដាន ហើយអ្នកក្រឡុកស្រាពាក់អាវសាយពណ៌ប្រផេះក្រម៉ៅក្រឡុកគ្រឿងភេសជ្ជៈដ៏ប្លែកស័ក្តិសមដូចជា ‘Coral Mule’ និង ‘Uncle Ho’។ បន្ទាប់ពីថតរូបរហូតពេញម៉ែមូរីកាតរបស់អ្នកហើយ សូមឆ្ពោះទៅកាន់រ៉ង់ដាខាងក្រៅដើម្បីទស្សនាទិដ្ឋភាពថ្ងៃលិចពណ៌ស្វាយឥណ្ឌីហ្គោដ៏ល្បីល្បាញនៃកោះភូកុក។