របស់សន្សំឡូយៗ ១០ យ៉ាងដែលត្រូវទិញនៅវៀតណាម

អ្នកដែលចូលចិត្តគ្រឿងសរសេរនឹងងាយស្រួលលង់ស្រឡាញ់ផលិតផលសិល្បៈរបស់ Zo Project។ Zo Project គឺជាសហគ្រាសសង្គមមួយដែលមានគោលបំណងអភិរក្សបច្ចេកទេសធ្វើក្រដាសប្រពៃណីរបស់វៀតណាម។ ប្រតិទិន សៀវភៅកត់ត្រា និងផ្ទាំងរូបភាពទំនើបៗដែលរចនាយ៉ាងទាក់ទាញរបស់ Zo គឺជាវត្ថុអនុស្សាវរីយ៍វៀតណាមដ៏ស្រស់ស្អាត ហើយក៏ជាផ្ទាំងសិល្បៈផងដែរ។ 

គន្លឹះ៖ សម្រាប់បទពិសោធន៍ដ៏ស៊ីជម្រៅ សូមចូលរួម ដំណើរកម្សាន្តរបស់ Zo Project ទៅកាន់ភូមិសិប្បកម្មធ្វើក្រដាសនៅក្រៅទីក្រុងហាណូយ។

ប្រទេសវៀតណាមមានភូមិផលិតកុលាលភាជន៍ល្បីៗជាច្រើន និងរចនាប័ទ្មសេរ៉ាមិចប្លែកៗជាច្រើន។ នៅក្នុងក្រុង Hoi An ហាង Reaching Out បានផ្តល់ការងារដល់ជនពិការនៅក្នុងរោងជាងជាប់មាត់ទន្លេរបស់ខ្លួន ដែលផលិតគ្រឿងបន្លាស់តែគូរដោយដៃយ៉ាងប្រណិត។ ទិញឈុតតែសម្រាប់ម្នាក់ឯង (tea-for-one) ដែលអាចតម្រៀបចូលគ្នាក្នុងពែងតែបាន ឬកែវកាហ្វេតម្រងដំណក់បែបវៀតណាមពិតៗសម្រាប់ខ្លួនអ្នក។ 

Hanoia House ប្រើប្រាស់បច្ចេកទេសធ្វើគ្រឿងរ័ក្សបុរាណរបស់វៀតណាម ដើម្បីបង្កើតគ្រឿងលម្អផ្ទះ និងគ្រឿងអលង្ការទំនើបៗ។ ដោយប្រើវិធីសាស្ត្របុរាណ រាល់ផ្ទាំងនីមួយៗ ទោះបីជាតូចយ៉ាងណាក៏ដោយ ក៏ត្រូវការពេលយ៉ាងតិច ១០០ ថ្ងៃដើម្បីផលិតដែរ។ ចូលទៅកាន់ហាងទំនិញទាន់សម័យរបស់ Hanoia ដើម្បីស្វែងរកថាសគ្រឿងរ័ក្ស ចង្កឹះ និងចានត្រឡោកដូង ដើម្បីលម្អតុអាហាររបស់អ្នកនៅឯផ្ទះ។

ឥឡូវនេះ អ្នកអាចនាំយកពន្លឺថ្ងៃនៃប្រទេសវៀតណាមត្រឡប់ទៅជាមួយអ្នក -- នៅក្នុងក្រឡបានហើយ! ផ្លែឈើ និងគ្រឿងទេសដ៏សម្បូរបែបរបស់ដែនដីសណ្ដទន្លេមេគង្គ បានបំផុសគំនិតឱ្យមានការបង្កើត La Petite Epicerie។ ដំណាប់ផ្លែឈើកម្រិតខ្ពស់របស់ម៉ាកយីហោនេះ ផ្តល់ជូននូវរសជាតិក្នុងស្រុកជាមួយនឹងការច្នៃប្រឌិតយ៉ាងឆ្ងាញ់ពិសា។ ស្វាយជាមួយខ្ញី ត្របែកជាមួយស្លឹកគ្រៃ និងម្នាស់ជាមួយឈើអែម គឺជាមុខទំនិញលក់ដាច់បំផុតមួយចំនួន។ ជ្រើសរើសរវាងក្រឡទំហំស្តង់ដារ ឬប្រអប់កាដូក្រឡតូចៗ។ 

អ្នកចូលចិត្តសូកូឡាមិនគួររំលងហាងធំរបស់ Marou នៅទីក្រុងហូជីមិញ ឬ 'ស្ថានទូតកាកាវ' របស់ខ្លួននៅទីក្រុងហាណូយឡើយ។ ហាងកាហ្វេសូកូឡានេះមានបម្រើនូវសូកូឡាក្តៅ និងនំផ្អែមៗយ៉ាងឆ្ងាញ់ពិសារ ប៉ុន្តែហាងទំនិញជាកន្លែងដែលអ្នកនឹងស្វែងរកឃើញសូកូឡាដុំ single-origin ឈ្នះរង្វាន់ទាំង ៦ ប្រភេទរបស់ Marou, ដុំ Origin Plus ដែលលាយជាមួយគ្រឿងផ្សំដូចជា Da Lat Arabica ព្រមទាំងសូកូឡាដុំ និងស្ករគ្រាប់សូកូឡាពិសេសរបស់ Maison Marou។

នាំយកផ្នែកមួយនៃជីវិតតាមដងផ្លូវរបស់វៀតណាមជាមួយកាបូបយួរដៃក្រណាត់កានវ៉ាស់ទាន់សម័យទាំងនេះពី Eugenie Darge។ កាបូបព្រីនរូបភាពទាំងនេះបង្ហាញពីរូបភាពលក្ខណៈបុរាណនៅលើដងផ្លូវនៃប្រទេសវៀតណាម ដូចជាទ្រុងបក្សី ផ្ទាំងគំនូរលើជញ្ជាំង និងស្នាមប្រឡាក់ទឹក។ ម៉ាកនេះក៏បានបង្កើតស្រោមខ្នើយពណ៌ស្រស់ឆើតឆាយ ផ្ទាំងគំនូរមានក្រប និងកាបូបស្ពាយ Totes ដែលបំផុសគំនិតដោយជនជាតិភាគតិចនៃប្រទេសវៀតណាមផងដែរ។ 

ប្រទេសវៀតណាមមានប្រវត្តិសាស្ត្រយូរលង់ណាស់មកហើយជាមួយនឹងតែ ហើយមានម៉ាកជាច្រើនរាប់មិនអស់សម្រាប់ជ្រើសរើស។ ទោះជាយ៉ាងណាក៏ដោយ មានម៉ាកតិចតួចណាស់ដែលស្វែងរកកាហ្វេដ៏ល្អឥតខ្ចោះ និងតែព្រៃ ដូចជា Hatvala ធ្វើនោះ។ ក្រុមហ៊ុននេះខិតខំប្រឹងប្រែងក្នុងការស្វែងរក និងណែនាំតែវៀតណាមដ៏ល្អឆ្នើមដែលបេះដោយដៃទៅកាន់ពិភពលោក។ ឈុតតែគំរូរបស់ Hatvala នឹងធ្វើឱ្យអ្នករីករាយជាមួយនឹងរសជាតិនៃប្រទេសវៀតណាម សូម្បីតែបន្ទាប់ពីអ្នកបានត្រឡប់ទៅផ្ទះវិញយូរហើយក៏ដោយ។