បង្អែមដ៏ឈ្ងុយឆ្ងាញ់ ១៥ មុខដែលគួរល្បងញ៉ាំនៅវៀតណាម

អ្នកដែលចូលចិត្តញ៉ាំចេក នឹងចូលចិត្តអាហារផ្សំឡើងពីគ្រាប់សាកូ ខ្ទិះដូង និងចេកអាំងនេះ។ ពូឌីងដ៏ទន់ល្វើយ មានជាតិខ្ទិះឈ្ងុយឆ្ងាញ់នេះ អាចរកទិញបានយ៉ាងងាយស្រួលនៅតាមហាងកាហ្វេ និងតូបតាមចិញ្ចើមផ្លូវ។

ភ្លក់វានៅ៖ Lutulata Desserts & Drinks, 39 Hàng Cót, Hoàn Kiếm, Hà Nội

ច្រើនតែទទួលទានក្នុងឱកាសពិសេសៗ នំគ្រាប់ម្សៅអង្ករសម្រកដែលមានលក្ខណៈប្រហាក់ប្រហែលនឹងនំម៉ូជីនេះ មានស្នូលសណ្ដែកបៃតងនៅខាងក្នុង ហើយស្រោចដោយទឹកស៊ីរ៉ូខ្ញី និងរ៉កល្ង។ ទទួលទានជាមួយខ្ទិះដូងបន្តិច មួយចានមានតម្លៃប្រហែល ១៥,០០០ ឌុង (15,000VND)។

ភ្លក់វានៅ៖ Chè 'đợi', 48 Lý Chính Thắng, District 8, Ho Chi Minh City

ជាអាហារសម្រន់ដ៏ឆ្ងាញ់ពិសា នំរុំក្រដាសអង្ករស្ដើងៗនេះមានផ្ទុកស្រទាប់ស្ករសូកូឡាស្រួយ សសៃដូងកោស និងល្ង។ រាល់ការខាំមួយម៉ាត់នៃ bò bia គឺមានរសជាតិស្រាលស្រទន់ប៉ុន្តែឆ្ងាញ់ពេញចិត្ត។ អ្នកអាចទិញវាពីអ្នកលក់តាមកង់នៅទូទាំងប្រទេសវៀតណាមក្នុងតម្លៃ ៥,០០០ ឌុង (5,000VND) ក្នុងមួយរុំ។

ភ្លក់វានៅ៖ Thanh Niên street, West Lake, Hà Nội

ចេកចៀន គឺជាអាហារសម្រន់តាមចិញ្ចើមផ្លូវដ៏ពេញនិយមនៅទូទាំងប្រទេស។ ដោយមានស្រទាប់ខាងក្រៅស្រួយ និងខាងក្នុងទន់ស្អិត នំចេកចៀនទាំងនេះអាចរកបាននៅតាមច្រកឌឿងហែម និងជុំវិញផ្សារនានាក្នុងតម្លៃ ៥,០០០ ឌុង (5,000VND) ក្នុងមួយដុំ។

ភ្លក់វានៅ៖ Public Market in Hội An

ការលាយបញ្ចូលគ្នានៃពោត ខ្ទិះដូង និងគ្រាប់សាកូ ពូឌីងនេះគឺជាបង្អែមមានជាតិខ្ទិះឈ្ងុយឆ្ងាញ់ និងផ្តល់កម្លាំងក្នុងអំឡុងខែរងា។ កុំភ្លេចភ្លក់វានៅ Hoi An ជាកន្លែងដែលគេធ្វើវាពីពោតស្រស់ៗដាំក្នុងស្រុក។

ភ្លក់វានៅ៖ Quán Ăn Bến Tre, Xuyên Trung, Cẩm Nam, Hội An

ស្ករសណ្ដែកដីវៀតណាម គឺជាអាហារសម្រន់បួសដ៏ឆ្ងាញ់ពិសារ។ ការរ៉កល្ងបន្ថែមភាពស្រួយឆ្ងាញ់ដល់ការខាំញ៉ាំនីមួយៗ។ អ្នកនឹងឃើញអាហារសម្រន់នេះមានលក់នៅតាមមជ្ឈមណ្ឌលដឹកជញ្ជូន និងតូបតាមចិញ្ចើមផ្លូវនៅទូទាំងប្រទេសវៀតណាម។

ភ្លក់វានៅ៖ ចំណុចផ្លាស់ប្តូរការធ្វើដំណើរសកលប្រទេស (ព្រលានយន្តហោះ ស្ថានីយរថយន្តក្រុង និងចំណតរថភ្លើង)

ប្រែថាយ៉ាងសាមញ្ញថា 'បង្អែមឥន្ទធនូ' បង្អែម chè នេះត្រូវបានដាក់ក្នុងកែវខ្ពស់ដោយបង្ហាញស្រទាប់ពណ៌ស្រស់ឆើតឆាយនីមួយៗ។ សណ្ដែកក្រហម ជែលលីស្លឹកតយ ស្នូលសណ្ដែកបៃតង និងគ្រឿងឆ្ងាញ់ៗជាច្រើនទៀតត្រូវបានតម្រៀបត្រួតលើគ្នា ហើយរ៉កទឹកកក និងខ្ទិះដូងខាប់ពីលើ។

ភ្លក់វានៅ៖ Nhà Hàng Ngon, 26 Trần Hưng Đạo, Hoàn Kiếm, Hà Nội

អាហារសម្រន់ដើម្បីសុខភាពនេះ រួមបញ្ចូលគ្នានូវផ្លែឈើស្រស់ចម្រុះ ខ្ទិះដូង និងទឹកកកឈូស។ ផ្លែឈើស្រស់គ្រប់ប្រភេទត្រូវបានរាប់បញ្ចូល រួមមានខ្នុរ គីវី ឪឡឹក ផ្លែប៉ោម និងសូម្បីតែផ្លែបឺរ! អ្នកក៏អាចបន្ថែមជែលលីស្លឹកតយ ឬគ្រាប់សាកូដើម្បីបន្ថែមរសជាតិ និងភាពទន់ស្រួយផងដែរ។

ភ្លក់វានៅ៖ Hoa Quả Dầm Hoa Béo, 17 Tô Tịch, Hoàn Kiếm, Hà Nội

ជាការ៉េមសាន់ដេ (ice-cream sundae) កំណែវៀតណាម kem thái dừa គឺជាការ៉េមដែលដាក់ក្នុងផ្លែដូង ជាមួយគ្រឿងរ៉កពីលើគ្រប់ប្រភេទដែលអ្នកអាចស្រមៃបាន (សណ្ដែកដី ជែលលី ទឹកស៊ីរ៉ូការ៉ាមែល សណ្ដែក នំប៊ីស្គីត ផ្លែឈើស្រស់)។ អាហារសម្រន់ដ៏ពេញនិយមនេះមានតម្លៃប្រហែល ៤០,០០០ ឌុង (40,000VND) បូករួមទាំងតម្លៃបន្ថែមសម្រាប់គ្រឿងរ៉កពីលើ។

ភ្លក់វានៅ៖ Kem Cong Truong, 10 Phạm Ngọc Thạch, District 3, Hồ Chí Minh City

នំក្រៀបអង្កររ៉កល្ងជាមួយសណ្ដែកបៃតង ម្សៅពោតរលីង និងស្កររ៉កពីលើ គឺជាអាហារសម្រន់ដ៏ឆ្ងាញ់ពិសារ។ វាត្រូវបានលក់ជាទូទៅនៅតាមចិញ្ចើមផ្លូវដោយអ្នកលក់តាមកង់ក្នុងតម្លៃ ៥,០០០ ឬ ១០,០០០ ឌុង (5,000 ឬ 10,000VND)។

ភ្លក់វានៅ៖ Ha Noi’s Old Quarter

មានរសជាតិផ្អែមល្មម និងក្លិនក្រអូប ព្រមទាំងមានតុល្យភាពនៃសាច់នំគួរឱ្យចាប់អារម្មណ៍ បង្អែមនេះអាចចាត់ទុកថាជា panna cotta របស់វៀតណាម។ ខាស់ស្ដាតនេះត្រូវបានកាត់ជាដុំៗទំហំល្មមមួយម៉ាត់ៗ ញ៉ាំជាមួយផ្លែគូលែន និងគ្រាប់អាល់ម៉ុង នៅក្នុងចានទឹកកកឈូស។

សាកល្បងញ៉ាំនៅ៖ Quán Chè Hiển Khánh, 718 Nguyễn Đình Chiểu, District 3, Hồ Chí Minh City

បង្អែមក្រែមការ៉ាមែល (creme caramel) កំណែប្រែបែបវៀតណាមនេះត្រូវបានបន្ថែមពីលើដោយផ្លែឈើស្រស់ ជែលលី និងខ្ទិះដូងបន្តិច។ បង្អែមដ៏ឈ្ងុយឆ្ងាញ់អស្ចារ្យនេះមានតម្លៃត្រឹមតែ 20,000VND ប៉ុណ្ណោះ។

សាកល្បងញ៉ាំនៅ៖ Caramen Duong Hoa, 29 Hàng Than, Ba Đình, Hà Nội

តើអ្នកណាមិនចូលចិត្តនំក្រែមផាហ្វ (cream puff)? ងាយស្រួលស្វែងរកនៅតាមហាងនំទូទាំងប្រទេស នំមូលៗនេះមានស្នូលខាស់ស្ដាតវ៉ានីឡាដ៏ទន់ល្មើយ។ នំទន់ៗមួយឈុតមាន ៦ ដុំនេះ មានតម្លៃប្រមាណ 10,000VND ប៉ុណ្ណោះ។

សាកល្បងញ៉ាំនៅ៖ ហាងនំក្នុងស្រុកណាមួយនៅវៀតណាម

បាយដំណើបក្លិនស្លឹកតយពណ៌ខៀវ ផ្សំផ្គុំជាមួយការ៉េមខ្ទិះដូង គឺជាការចាប់គូយ៉ាងល្អឥតខ្ចោះដែលនឹកស្មានមិនដល់។ ទាំងឆ្ងាញ់ឆ្អែត ទាំងស្រស់ស្រាយនៅថ្ងៃក្ដៅ សូមកុំភ្លេចសាកល្បងញ៉ាំនៅពេលមកដល់វៀតណាម។

សាកល្បងញ៉ាំនៅ៖ Che 95, 95 Hàng Bạc, Hoàn Kiếm, Hà Nội

ចង់បានគំនិតធ្វើដំណើរកម្សាន្តនៅវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានអត្ថបទល្អៗបំផុតផ្ញើជូនប្រអប់សំបុត្ររបស់អ្នក។