^{ប្រភព៖ អ៊ីនធឺណិត} 

 

ប៊ិញធួន គឺជាខេត្តមួយនៅភាគខាងត្បូងឆ្នេរកណ្តាលនៃប្រទេសវៀតណាម ដែលមានឆ្នេរសមុទ្រប្រវែង ១៩២ គីឡូម៉ែត្រ និងមានជួរភ្នំនៅពីក្រោយ។ ជិតពាក់កណ្តាលនៃខេត្តនេះត្រូវបានគ្របដណ្តប់ដោយព្រៃឈើ ហើយផ្នែកដែលនៅសល់ភាគច្រើនជាដីកសិកម្ម ដែលផ្តល់នូវបដិសណ្ឋារកិច្ចធម្មជាតិដ៏កក់ក្តៅដល់អ្នកទេសចរដែលចង់គេចចេញពីផ្លូវទេសចរណ៍ដ៏មមាញឹកធម្មតា។ តំបន់ឆ្នេរមានភាពកក់ក្តៅ និងមានខ្យល់បក់ខ្លាំង គ្រប់គ្រាន់សម្រាប់លេងកីឡាជិះក្តារបន្ទះលើទឹក (windsurfing) និងជិះខ្លែងលើទឹក (kitesurfing) ហើយក៏មានប៉េងប៉ោងហោះសម្រាប់ជួលដើម្បីហោះហើរពីលើទេសភាព ដើម្បីទស្សនាទិដ្ឋភាពដ៏ស្រស់ស្អាតប្លែកភ្នែកនៃជួរភ្នំ មហាសមុទ្រ និងវាលខ្សាច់។ ខេត្តនេះគឺជាកន្លែងមួយក្នុងចំណោមកន្លែងដែលស្ងួតបំផុតនៅក្នុងប្រទេសវៀតណាម សូម្បីតែនៅក្នុងរដូវវស្សាក៏ដោយ ដែលធ្វើឱ្យវាក្លាយជាគោលដៅទេសចរណ៍ដ៏ល្អបំផុតសម្រាប់សម្រាកលំហែកាយពេញមួយឆ្នាំ។

ប៊ិញធួន គឺជាកំណប់ទ្រព្យប្រវត្តិសាស្ត្រមួយ ដោយធ្លាប់ជាផ្នែកមួយនៃព្រះរាជាណាចក្រចាម រហូតដល់ចុងសតវត្សទី១៧ ហើយវប្បធម៌ចាមនៅតែមានឥទ្ធិពលយ៉ាងខ្លាំងនៅក្នុងសហគមន៍ដែលកំពុងរស់នៅ ក៏ដូចជានៅក្នុងប្រាសាទបាក់បែកនានា។ ប្រាសាទ Poshanu គឺជាកន្លែងសម្គាល់វប្បធម៌ចាមបុរាណដ៏ល្បីល្បាញបំផុតមួយនៃខេត្តប៊ិញធួន ហើយអ្នកនេសាទក្នុងតំបន់នៅតែមកបួងសួងសុំសេចក្តីសុខពីព្រះនានា សម្រាប់ការធ្វើដំណើរប្រកបដោយសុវត្ថិភាពទៅកាន់សមុទ្រ និងការនេសាទបានត្រីយ៉ាងច្រើនកុះករ។

សម្រាប់អ្នកទេសចរដែលចង់គេចចេញពីទីក្រុងហូជីមិញ ខេត្តប៊ិញធួនផ្តល់ជូននូវគ្រឿងសមុទ្រស្រស់ៗ វាលខ្សាច់ដែលមើលទៅហាក់ដូចជាត្រូវបាននាំយកមកពីឋានព្រះច័ន្ទ ឆ្នេរសមុទ្រដែលមានទម្រង់ថ្មចម្លែកៗ និងរមណីយដ្ឋានប្រណីតៗដ៏ខៀវស្រងាត់ដែលផ្តល់នូវរាល់សេវាកម្មសម្របសម្រួលគ្រប់បែបយ៉ាង។ ខាងក្រោមនេះជាកន្លែងដ៏ល្អបំផុតមួយចំនួន។

---

ឆ្នេរសមុទ្រដ៏ល្អបំផុតនៅក្នុងខេត្តប៊ិញធួន

ឆ្នេរ Bai Rang 

Bai Rang គឺជាឆ្នេរខ្សាច់ពណ៌លឿងដែលមានប្រវែង ១០ គីឡូម៉ែត្រ ស្ថិតនៅចម្ងាយតែ ១៥ គីឡូម៉ែត្រប៉ុណ្ណោះ ភាគខាងជើងនៃកណ្តាលក្រុង Mui Ne ដែលធ្វើឱ្យវាក្លាយជាកន្លែងងាយស្រួលធ្វើដំណើរទៅដល់ និងមានភាពស្រស់ស្អាត។ ឈ្មោះនេះពិតជាប្រែថា "ឆ្នើងាប់" (Dead Beach) ដោយសារតែទម្រង់ថ្មដ៏ស្រស់ស្អាត និងការរៀបចំដូចជាចម្លាក់នៃថ្មប៉ប្រះទឹកផ្កាថ្មដែលប្រែពណ៌ស។ ផ្លូវនៅក្បែរនោះសំបូរទៅដោយសណ្ឋាគារ ភោជនីយដ្ឋាន និងហាងទំនិញ ហើយដើមដូងខ្ពស់ៗដែលផ្តល់ម្លប់ដល់ឆ្នេរ Rang ក៏ជួយបាំងការពារជួរនៃរមណីយដ្ឋានប្រណីតៗផងដែរ។

ទោះបីជាមានការអភិវឌ្ឍន៍ទំនើបគួរឱ្យកត់សម្គាល់ក៏ដោយ ក៏ឆ្នេរ Rang នៅតែរក្សាបាននូវភាពទាក់ទាញបែបភូមិឋានដដែល។ ភូមិនេសាទ Rang គឺនៅក្បែរនោះ ហើយអ្នកស្រុកតែងតែនាំយកទូកដែលពេញដោយគ្រឿងសមុទ្រស្រស់ៗរៀងរាល់ព្រឹកព្រលឹម ដោយអូសកន្ត្រកត្រី និងបង្គាដែលនៅរស់រវើកចេញពីពពុះរលកសមុទ្រ។ សូមមកកម្សាន្តនៅពេលល្ងាច ដើម្បីទស្សនាថ្ងៃលិច ជាមួយនិងការទទួលទានអាហារដែលទើបតែនេសាទបានថ្មីៗ។

 

 

ឆ្នេរ Thuan Quy

ឆ្នេរ Thuan Quy គឺមានលក្ខណៈធម្មជាតិ ដាច់ស្រយាល និងមិនទាន់មានការប៉ះពាល់ ខុសប្លែកពីឆ្នេរ Rang ដែលមានលក្ខណៈទីក្រុង ងាយស្រួលធ្វើដំណើរ និងមានការអភិវឌ្ឍ។ ផ្លូវកៅស៊ូដ៏រលោងលាតសន្ធឹងតាមបណ្តោយឆ្នេរសមុទ្រពីជើងទៅត្បូង ហ៊ុមព័ទ្ធដោយដើមស្រល់ និងដីកសិកម្ម។ កង្វះការអភិវឌ្ឍបានរក្សាឱ្យឆ្នេរនេះនៅតែមានភាពស្អាតបរិសុទ្ធ និងស្ងប់ស្ងាត់ ដោយគ្មានហ្វូងភ្ញៀវទេសចរ ឬសំឡេងការដ្ឋានសំណង់រំខានដល់បរិយាកាសនៅទីនេះឡើយ។

ឆ្នេរខ្សាច់ស និងទឹកសមុទ្រពណ៌ខៀវថ្លា គឺពិតជាទាក់ទាញខ្លណាស់ ប៉ុន្តែ Thuan Quy គឺជាអាថ៌កំបាំងដ៏ល្អបំផុតមួយរបស់ខេត្តប៊ិញធួន សម្រាប់អ្នកស្រឡាញ់ធម្មជាតិ និងអ្នកថតរូប។ ទេសភាពនៅទីនេះត្រូវបានបង្កើតឡើងដោយច្រាំងថ្មចោទ និងទម្រង់ថ្មចម្លែកៗដែលមានពណ៌ និងទំហំខុសៗគ្នា។ ថ្មខ្លះមានរូបរាងគួរឱ្យកត់សម្គាល់ ដូចជា "ព្រះហស្តព្រះពុទ្ធ" (Hand of Buddha) ដែលជាឈ្មោះហៅក្រៅដ៏ស្និទ្ធស្នាលរបស់អ្នកស្រុកនៅទីនោះ។

សមុទ្រ Co Thach

Co Thach គឺជាឋានសួគ៌សម្រាប់អ្នកភូគព្ភវិទូ។ ជំនួសឱ្យខ្សាច់ ឆ្នេរនេះត្រូវបានបង្កើតឡើងដោយថ្មធំៗ រលោង និងមានរាងចម្លែកៗ ដែលត្រូវបានដុសខាត់ និងធ្វើឱ្យរាបស្មើដោយសាររលកសមុទ្ររាប់កប្បរាប់កល្បមកហើយ។ ទេសភាពនេះពិតជាប្លែកគេតែមួយគត់នៅក្នុងប្រទេស ដែលសូម្បីតែ "ថ្មប្រាំពីរកម្រងពណ៌" របស់វា ក៏ត្រូវបានទទួលស្គាល់ដោយរដ្ឋាភិបាលវៀតណាមផងដែរ។ ឆ្នេរនេះត្រូវបានបង្កើតឡើងរាប់រយឆ្នាំមកហើយ និងមើលទៅមិនដូចកន្លែងណាផ្សេងទៀតនៅលើផែនដីឡើយ។

ទម្រង់ថ្មធំៗពត់ពេនទៅជារូបរាងអរូបី និងរូបរាងសត្វផ្សេងៗ។ គ្រួសតូចៗចម្រុះពណ៌គ្របដណ្តប់លើដី ជាមួយនឹងឆ្នូតពណ៌ផ្កាឈូក លឿង ត្នោត និងខ្មៅរាប់មិនអស់។ នៅពេលទឹកជំនោរឡើងនិងស្រក គ្រួសទាំងនោះមានពន្លឺចែងចាំងដោយសារទឹកប្រៃ ភ្លឺរលោងដូចជាត្បូងនៅក្រោមពន្លឺព្រះអាទិត្យ។ សូមមកកម្សាន្តនៅពេលទឹកស្រកក្នុងខែមីនា ដើម្បីទស្សនាផ្ទាំងថ្មដែលគ្របដណ្តប់ដោយស្លែពណ៌បៃតងយ៉ាងស្រស់ស្អាតដូចជាព្រំធម្មជាតិ។

 

---

រមណីយដ្ឋានប្រណីតៗនៅក្នុងខេត្តប៊ិញធួន 

Anantara Resort 

Anantara Resort មានផ្ទៃដីលាតសន្ធឹងលើសពី ២៥,០០០ ម៉ែត្រការ៉េ ដែលជាអូអាស៊ីសពណ៌បៃតងដ៏ស្រស់បំព្រង ស្ថិតនៅដាច់ឆ្ងាយពីភាពអ៊ូអរនៃទីក្រុង។ រមណីយដ្ឋានលំដាប់ផ្កាយ ៥ ទាំងមូលនេះ ត្រូវបានរចនាឡើងតាមស្ថាបត្យកម្មប្រពៃណីវៀតណាម ដោយរួមបញ្ចូលគ្នារវាងជញ្ជាំងដីឥដ្ឋជាមួយនឹងដំបូលក្បឿងពណ៌ក្រហម។ មានបន្ទប់តែ ៦៩ បន្ទប់ និងវីឡាចំនួន ២០ ប៉ុណ្ណោះនៅលើផ្ទៃដីទាំងមូល ដែលផ្តល់នូវភាពឯកជនខ្ពស់ និងការដើរកម្សាន្តដ៏ស្ងប់ស្ងាត់កាត់តាមសួនច្បារតំបន់ក្ដៅនៅលើបរិវេណដ៏ធំទូលាយ។

 

 

រមណីយដ្ឋានផ្ទាល់ស្ថិតនៅលើឆ្នេរឯកជនប្រវែង 10 គីឡូម៉ែត្រ។ ចំណាយពេលពេញមួយថ្ងៃនៅមហាសមុទ្រ ឬគ្រាន់តែគយគន់វាពីចម្ងាយ - រាល់បន្ទប់ទាំងអស់សុទ្ធតែមានទិដ្ឋភាពសមុទ្រ។ រីករាយជាមួយអាហារសមុទ្រស្រស់ៗនៅលើតុអាហារដែលមើលទៅឃើញឆ្នេរសមុទ្រនាពេលល្ងាច បន្ទាប់មកត្រឡប់ទៅសម្រាកក្នុងបន្ទប់ដែលមានម៉ាស៊ីនត្រជាក់ ដើម្បីរៀបចំខ្លួនទៅស្ប៉ា។

 

_{ប្រភព៖ អ៊ីនធឺណិត}

Mui Ne Sailing Club 

Mui Ne Sailing Club រួមបញ្ចូលគ្នានូវស្ថាបត្យកម្មទំនើបជាមួយនឹងធាតុផ្សំនៃជនបទវៀតណាមដ៏សាមញ្ញ ដោយរួមបញ្ចូលគ្នានូវដំបូលប្រក់ស្បូវជាមួយនឹងបង្អួចខ្ពស់ៗ ធំទូលាយ និងការ៉ូដ៏ស្រស់ស្អាត ថ្មម៉ាប និងកម្រាលឈើរឹង។ គ្រឿងសង្ហារឹមទាំងអស់ត្រូវបានធ្វើឡើងពីឈើពណ៌ត្នោតចាស់ ឬផ្តៅ និងឫស្សី។ 

មានបន្ទប់សណ្ឋាគារត្រឹមតែ 30 បន្ទប់ប៉ុណ្ណោះនៅក្នុងរមណីយដ្ឋានទាំងមូល ដែលបន្ទប់នីមួយៗមានយ៉រ វេរ៉ង់ដាខាងមុខ និងទិដ្ឋភាពសមុទ្រ ឬសួនច្បារ។ បន្ទប់គ្រួសារត្រូវបានរចនាឡើងដូចជាផ្ទះច្រើនជាងសណ្ឋាគារ ដោយរួមបញ្ចូលទាំងផ្ទះបាយពេញលេញ បន្ទប់ទទួលភ្ញៀវ និងតុអាហារ។ ព័ត៌មានលម្អិតតូចតាចនេះបន្ថែមនូវភាពងាយស្រួលយ៉ាងខ្លាំងដល់បទពិសោធន៍របស់អ្នក។ ការមកសម្រាកនៅ Mui Ne Sailing Club ផ្តល់អារម្មណ៍ដូចជាកំពុងស្នាក់នៅផ្ទះរបស់ខ្លួនអំឡុងពេលវិស្សមកាល។

 

_{ប្រភព៖ អ៊ីនធឺណិត}

បន្ទប់ទឹកខាងក្នុងមានអាងងូតទឹក (ព្រមទាំងផ្កាឈូកងូតទឹក) និងអាងលាងមុខធ្វើពីសំបកខ្យងគុជខ្យងដ៏ស្រស់ស្អាត។ លើសពីនេះ បន្ទប់ជាច្រើនក៏មានផ្កាឈូកងូតទឹកខាងក្រៅផងដែរ។ លាងជម្រះខ្សាច់ក្នុងខ្យល់អាកាសបរិសុទ្ធនៃមហាសមុទ្រ ឬងូតទឹកនៅពេលយប់ដើម្បីគយគន់ផ្កាយ។

NovaWorld 

ប្រសិនបើ Anantara និង Mui Ne Sailing Club គឺសម្រាប់អ្នកទេសចរដែលស្វែងរកភាពប្រណីតបែបធម្មជាតិ និងសាមញ្ញ នោះ NovaWorld គឺសម្រាប់អ្នកទេសចរដែលស្វែងរកកន្លែងស្នាក់នៅលំដាប់ខ្ពស់បំផុត - ជាមួយនឹងគ្រឿងបរិក្ខារទំនើបៗគ្រប់បែបយ៉ាង។

Novaworld គឺជាគម្រោងអភិវឌ្ឍន៍ទំហំ 1,000 ហិកតា ដែលស្ថិតនៅកម្ពស់ជាង 50 ម៉ែត្រលើនីវ៉ូទឹកសមុទ្រ ជាមួយនឹងទិដ្ឋភាពបែប panoramic នៃឈូងសមុទ្រ Phan Thiet។ ការរចនាផ្តោតលើលំហចំហ និងភាពសុខដុមរមនា ដោយមានផ្ទៃដីជាង 20,000 ម៉ែត្រការ៉េសម្រាប់លំហបៃតងចំហ។ ទិដ្ឋភាពរវាងវីឡាត្រូវបានកាត់បន្ថយការមើលឃើញគ្នាទៅវិញទៅមកតាមរយៈទ្វារ និងរបងបង្វិល ដើម្បីបង្កើនភាពឯកជនជាអតិបរមា និងផ្តល់នូវទិដ្ឋភាពធម្មជាតិដ៏ធំទូលាយ។ 

ភ្ញៀវដែលស្នាក់នៅវីឡាមានសិទ្ធិចូលលេងសួនកម្សាន្តនៅក្នុងបរិវេណផ្ទាល់ ដែលមានផ្ទៃដីរហូតដល់ 25 ហិកតា ព្រមទាំងទីលានវាយកូនហ្គោល ទីលានវាយកូនបាល់ និងទីលានបាល់ទាត់សម្រាប់អ្នកដែលចូលចិត្តកីឡា។

 

_{ប្រភព៖ អ៊ីនធឺណិត}