ດານັງ, ຫວຽດນາມ (2 ພະຈິກ 2018) -- ໃນວັນທີ 1 ພະຈິກ 2018, Haute Grandeur Global Awards™ ໄດ້ຍົກຍ້ອງປະສົບການການບໍລິການຕ້ອນຮັບທີ່ດີເລີດທີ່ສຸດໃນໂລກ ໃນລະຫວ່າງພິທີມອບລາງວັນອັນຫຣູຫລາຢູ່ທີ່ ດູໄບ. 

ໃນລະຫວ່າງງານພົມແດງ, InterContinental® Danang Sun Peninsula Resort ໄດ້ສືບຕໍ່ຄວາມເປັນເລີດດ້ານການບໍລິການຕ້ອນຮັບໂດຍການຄ້ວາ 4 ລາງວັນ Haute Grandeur Excellence Awards ອັນຊົງກຽດ:

ຣີສອດຕິດຊາຍຮາດທີ່ດີທີ່ສຸດໃນລະດັບໂລກ
ຣີສອດສຳລັບຄອບຄົວທີ່ດີທີ່ສຸດໃນຫວຽດນາມ
ສະຖານທີ່ພັກຜ່ອນສຳລັບງານແແຕ່ງງານທີ່ດີທີ່ສຸດໃນຫວຽດນາມ
ວິລ່າທີ່ດີທີ່ສຸດໃນຫວຽດນາມ

ຕັ້ງຢູ່ທ່າມກາງແຫຼມ Son Tra ອັນມີຕຳນານ, InterContinental Danang Sun Peninsula Resort ເປັນບ່ອນພັກຜ່ອນຕິດຊາຍຮາດອັນງຽບສະຫົງບ ທີ່ໃຫ້ທັດສະນີຍະພາບອັນຕື່ນຕາຕື່ນໃຈຂອງທະເລຕາເວັນອອກຈາກທຸກໆຫ້ອງ ແລະ ວິລ່າ. ໄດ້ຮັບການຂະໜານນາມຢ່າງເໝາະສົມວ່າເປັນບ່ອນ “Where Myth Meets Luxury” ດ້ວຍສະເໜ່ອັນງົດງາມຂອງທຳມະຊາດເຂດຮ້ອນ ແລະ ການອອກແບບອັນໜ້າທຶ່ງຈາກ Bill Bensley, ຣີສອດຍັງໄດ້ຮັບການຍົກຍ້ອງວ່າເປັນຈຸດໝາຍປາຍທາງຊັ້ນເລີດສຳລັບງານແຕ່ງງານ ແລະ ການພັກຜ່ອນຂອງຄອບຄົວໃນພູມິພາກ.

ກ່າວເຖິງຄວາມສຳເລັດອັນໂດດເດັ່ນນີ້, ທ່ານ Juan Losada, ຜູ້ຈັດການທົ່ວໄປຂອງຣີສອດ ໄດ້ໃຫ້ຄຳເຫັນວ່າ: “ຖືເປັນກຽດຢ່າງຍິ່ງທີ່ໄດ້ຮັບລາງວັນອັນຊົງກຽດເຫຼົ່ານີ້ຈາກ Haute Grandeur Global Awards. ໃນຖານະທີ່ຖືກຍົກຍ້ອງວ່າເປັນຈຸດສູງສຸດຂອງຄວາມສຳເລັດສຳລັບໂຮງແຮມ ແລະ ຣີສອດທົ່ວໂລກ, ການຮັບຮອງນີ້ໄດ້ຢືນຢັນຄືນເຖິງປະສົບການການບໍລິການຕ້ອນຮັບທີ່ເປັນແບບຢ່າງ, ຕະຫຼອດຮອດຄວາມມຸ່ງໝັ້ນສູ່ຄວາມເປັນເລີດທີ່ທີມງານຣີສອດໄດ້ສະແດງໃຫ້ເຫັນມາໂດຍຕະຫຼອດ. ພວກເຮົານឹងສືບຕໍ່ມອບປະສົບການທີ່ຖືກອອກແບບມາເປັນພິເສດ ແລະ ການບໍລິການອັນດີເລີດໃຫ້ແກ່ແຂກຜູ້ມີຄວາມພິຖີພິຖັນທຸກທ່ານທີ່ຊອກຫາປະສົບການທີ່ແທ້ຈິງໃນການທ່ອງທ່ຽວແບບຫຣູຫລາ”.

Haute Grandeur Global Awards ກຳນົດ ແລະ ໃຫ້ການຮັບຮອງໂຮງແຮມທີ່ສ້າງມາດຕະຖານທອງສຳລັບໂຮງແຮມທົ່ວໂລກ. ຜູ້ຊະນະ, ເຊິ່ງໄດ້ຮັບການຄັດເລືອກຜ່ານຂະບວນການປະເມິນຢ່າງເຂັ້ມງວດໂດຍອີງໃສ່ແນວຄິດທີ່ເປັນເອກະລັກສະເພາະຂອງ Haute Grandeur, ແມ່ນໂຮງແຮມ ແລະ ຣີສອດເຫຼົ່ານັ້ນທີ່ໂດດເດັ່ນດ້ວຍຄວາມເປັນເລີດໃນທຸກໆລະດັບ.

ໃນເດືອນທີ່ຜ່ານມາ, ຣີສອດຍັງໄດ້ຮັບກຽດຢູ່ໃນລາຍຊື່ທີ່ມີຊື່ສຽງຂອງ “The Best Resorts in the World” ແລະ ໄດ້ຮັບອັນດັບທີສາມໃນ “Top Resorts in Asia” ໂດຍ Condé Nast Traveler 2018 Readers’ Choice Awards. ຕໍ່ມາ, ຣີສອດຍັງໄດ້ຮັບການຈັດອັນດັບຢູ່ໃນລາຍຊື່ "Best Resort Hotel in Asia-Pacific" ໂດຍ Business Traveller Asia-Pacific.

###

---